Duke qenë një nga vajzat më të komentuara në Shqipëri, edhe Marina Fara ka rënë pre e faqeve demaskuese në Instagram. Pak ditë më parë u publikua një foto e saj me një person, identiteti i të cilit nuk bëhej i ditur, por u aludua se Marina kishte lidhje me këtë person më të moshuar.
E kontaktuar nga Tabloid.al, Marina sqaroi gjithçka, ndërsa mohoi të ketë lidhje me personin në foto. “Personi në fjalë është daja e mikut tim dhe kemi bërë një foto në rastësi në mesin e një shoqërie. Ajo foto është keqpërdorur. Nëse do kishim diçka më tepër nuk do e kisha publikuar në asnjë lloj rrjeti social.”, tha Marina, vajza e këngëtares Eli Fara.
“Faqet në Instagram shpifin pa pasur asnjë informacion dhe pa e ditur se çfarë marrëdhënie kanë njerëzit midis tyre, shpifin dhe trillojnë”, shtoi ajo.
