Dy automjete janë përfshirë nga flakët, pasi një zjarr ra në një garazh. Sipas policisë, ngjarja ka ndodhur në orët e para të mëngjesit të së hënës, në rrugën “Azem Galica”, në Paskuqan.
“Më datë 15.02.2021, rreth orës 02:50, në rrugën “Azem Galica”, në Paskuqan, ka rënë zjarr në garazhin në pronësi të shtetasit E. H., ku për pasojë janë përfshirë nga flakët dhe 2 mjete të cilat ishin të parkuara aty”, thuhet në njoftimin e policisë.
Ndërkohë grupi hetimor po punon për zbardhjen e rrethanave të ngjarjes, ku aktualisht dyshohet se është ngjarje aksidentale.
g.kosovari
