Një banesë është përfshirë nga flakët paraditen e sotme në Lezhë, duke i marrë jetën një të moshuari.
Zjarri ra rreth orës 11:15, në një shtëpi private në fshatin Rrilë.
“Banesa e cila është përfshirë nga flakët është private 1- katëshe dhe brenda saj ishte Gj.D. 85 vjeç, i cili ka humbur jetën si pasojë e djegies së dhomes ku ai qëndronte”, sqaron policia në një njoftim të sajin.
Në vendin e ngjarjes kanë shkuar shërbimet e zjarrfikëses, që po punojnë për shuarjen e flakëve, ashtu sikurse policia. Hetimet për përcaktimin e shkakut të zjarrit vijojnë.
a.ç
