Policia e Fierit ka zbuluar në Patos një subjekt ku çmontoheshin dhe shiteshin pjesë automjetesh të dyshuara të kontrabanduara. Në pranga u vu pronari i subjektit 50-vjeçari me iniciale Xh. H., si dhe u sekuestruan 4 automjete pjesërisht të çmontuara dhe pjesë automjetesh.
Nga verifikimet rezultoi se 50-vjeçari nuk ishte i pajisur me licencën përkatëse për ushtrimin e këtij aktiviteti.
Njoftimi i Policisë Fier
Zbulohet në Patos, një subjekt ku çmontoheshin dhe shiteshin pjesë automjetesh të dyshuara të kontrabanduara.
Vihet në pranga pronari i subjektit.
Sekuestrohen 4 automjete (pjesërisht të çmontuara) dhe pjesë automjetesh.
Specialistët e Seksionit për Hetimin e Krimeve Ekonomiko-Financiare të DVP Fier, si rezultat i punës hetimore të kryer për një rast të kryerjes së aktivitetit ekomonik, me produkte të kontrabanduara, arrestuan shtetasin:
-Xh. H., 50 vjeç, banues në Patos.
Gjatë kontrollit në subjektin e tij (servis automjetesh), në Patos, janë gjetur automjete (pjesërisht të çmontuara) dhe pjesë automjetesh, të dyshuara të kontrabanduara nga shtete të ndryshme të Europës. Nga verifikimet rezultoi se ky shtetas nuk ishte i pajisur me licencën përkatëse për ushtrimin e këtij aktiviteti.
Materialet procedurale iu referuan Prokurorisë së Fierit, për veprime të mëtejshme.
