Disa hektarë me pyje dhe shkurre janë përfshirë nga flakët në Bulqizë dhe Përrenjas.
Bëhet fjalë për rreth 12 hektarë sipërfaqe me pyje e shkurre të djegura në Zerqan të Bulqizës.
Po ashtu zjarri ra edhe në një sipërfaqe prej 8 hektarësh pyje me lis, si edhe 4 hektarë me dru ahu.
Sipas drejtuesve lokale zjarri është sipërfaqësor dhe nuk ka shkaktuar dëme ekonomike, ndërsa po punohet për ta izoluar plotësisht.
Ndërkohë tri vatra zjarri janë shfaqur në orët e fundit në pyjet e Përrenjasit, duke djegur sipërfaqe të konsiderueshme.
Njëra nga vatrat e zjarrit është në zonën Turja në Përrenjas, ndërsa dy të tjerat janë në Skënderbej.
Paraprakisht dyshohet për zjarrvënie të qëllimshme, por ende është e paqartë arsyeja.
/b.d
