Zinedine Zidane u shpreh tejet i lumtur pas reagimit të Iscos. Isco nuk do të transferohet në Barcelonë.
Përmes një postimi në rrjetet sociale, mesfushori spanjoll tha se është lodhur me spekulimet për të ardhmen dhe se nuk do të transferohet në “Camp Nou”, transmeton Gazeta Express.
Kjo deklaratë e spanjollit duket se ka gëzuar edhe trajnerin Zinedine Zidane, i cili u shpreh i lumtur në konferencën për media para derbit me Atletico Madridin.
“Jam më i qetë duke e ditur se Isco nuk do të shkojë në Barcelonë. Ai është i lumtur këtu. Spekulimet janë pjesë e futbollit dhe këtë e dimë të gjithë”, tha Zidane. (b.an)
