Ish-trajneri i Francës, Raymond Domenech ka folur për personalitetin e Zinedine Zidane, i cili ditë më parë është emëruar trajner i Real Madridit. Domenech e ka lavdëruar fituesin e Kupës së Botës, derisa ka thënë se ai ka një veçori që do ta bëjë trajner të suksesshëm.
“Zidane ka elementin e misterit që rrethon yjet. Ai mund të emocionojë njerëzit, jo vetëm njerëzit pozitivë”, ka thënë Domenech për Le Monde.
“Ai nuk është yll pa probleme. Ai nuk është djalë i mirë. Është i gatshëm për gjithçka dhe kjo e bën atë një hyjni njerëzore”.
“Në vitin 2016 si trajner duhet të dish vetëm dy gjëra: të kesh imazh dhe të jesh efektiv me lojtarët”.
