Zidane e respekton dhe e ka uruar Barçën për titullin, por ka bërë të ditur se nuk do të bëjnë korridorin e nderit për Kampionin. Zinedine Zidane ka shpërthyer në konferencën për media para ndeshjes me Barcelonën, kur është pyetur sërish për korridorin e nderit, për të nderuar kampionin, pasi tashmë Barça edhe matematikisht ka fituar titullin për sezonin 2017/18.
Zizu ka thënë se Reali do ta kishte bërë këtë me shumë dëshirë nëse Barcelona nuk do ta kishte prishur traditën, duke insistuar se Reali nuk do të bëjë diçka që s’e ka bërë as Barça.
“Po më pyesni gjithnjë për këtë, po harroni se Madridi nuk e prishi traditën për korridorin e nderit, ishte Barcelona që e bëri këtë”, u shpreh Zizu. “E respektoj Barcelonën dhe e uroj për titullin, por nuk do ta bëjmë korridorin e nderit.
Është vendimi im. Nuk do të bëj diçka që ata nuk e bënë”, shtoi Zidane. “Unë nuk jam ai që vendos për të mos e bërë korridorin e nderit, por vendimi është marrë dhe nuk do ta bëjmë – ata janë të parët që nuk e bënë këtë pas Kupës së Botës, kështu që s’kemi për ta bërë as ne”, përgatiti ”Gazeta Express”. (b.an)
