Championsi i ka mbetur dhe për këtë, Zidane paralajmëroi Liverpoolin se Reali do të japë gjithçka në finalen e Kiev.
Real Madridi nuk ka pasur një sezon të mirë, duke humbur La Ligën që në dhjetor, ndërsa u eliminua nga Copa del Rey në janar, duke u turpëruar nga Leganes midis “Santiago Bernabeu”.
Por, trajneri i Los Blancos, Zinedine Zidane, thotë se sezonin aspak të mirë në Kupë e Ligë, kanë mundësi ta përmirësojnë me një triumf historik me 26 maj në finale të Ligës së Kampionëve, ku do të përballen me Liverpoolin.
“Nuk kemi bërë punë të mirë në Kupë dhe në Ligë, por do të japim gjithçka për Championsin, të cilën të gjithë duan ta fitojnë”, tha Zizu.“Dy ndeshjet e mbetura në La Liga do të shërbejnë për t’u përgatitur sa më mirë për finalen e Champions League. Por, duhet të punojmë, mbi të gjitha, me top”, shtoi ai.
“Spekulimet për transferime dhe ndikimi në dhomat e zhveshjes? Jemi para një finale të Champions League dhe nuk po mendojmë për asgjë tjetër. Duam të përgatitemi sa më mirë dhe për ta bërë këtë, kemi dy ndeshje para nesh, përgatiti ”Gazeta Express”. (b.an)
