Zinedine Zidane duket se po e shijon shumë periudhën pas largimit nga Reali i Madridit, në përfundim të sezonit. Francezi i është përkushtuar familjes së tij, duke i bashkuar të katër djemtë, që ndjekin ëndrrën e të atit, në futboll.
46-vjeçari ka postuar në Instagram një foto me të gjithë pjesëtarët e familjes, që po shijojnë të bashkuar këto ditë të nxehta të gushtit.
Bashkëshortja Veronique, djemtë Elyaz, Theo, Luca dhe Enzo, të gjithë të buzëqeshur rreth “shtyllës” së familjes, Zinedine Zidane, që pas tre trofeve radhazi Champions të fituar me Realin, ende nuk ka vendosur nëse do t’i kthehet trajningut.
Luca Zidane është i vetmi i familjes që ka mbetur te Reali, si portier i skuadrës së dytë, përgatiti Express. (b.an)
