Angazhimi i Kinës për zhvillimin e gjelbër dhe me karbon të ulët është një kërkesë e natyrshme e ndjekjes së saj për rritje ekonomike me cilësi të lartë, e cila shërben gjithashtu si një forcë lëvizëse për reagimin global të klimës dhe zhvillimin e qëndrueshëm, tha Guo Jiakun , zëdhënës i Ministrisë së Jashtme, në një konferencë për shtyp, citon “Xinhua”.
Në vitin 2024, katër nga çdo 10 kilovat-orë energji elektrike në Kinë prodhoheshin nga energjia e pastër. Si eksportuesi më i madh i teknologjive të pastra, Kina krijon 46 për qind të mundësive të punës në industrinë globale të energjisë së rinovueshme.
Duke vënë në dukje se “tranzicioni i gjelbër” dhe “kontributet blu” spikasin në bashkëpunimin e Kinës me vendet fqinje për zhvillim të qëndrueshëm, Guo tha se Kina ka zhvilluar bashkëpunim për energjinë e pastër, ka nënshkruar dokumente bashkëpunimi për ekonominë blu dhe ka promovuar bashkëpunimin në fushat përkatëse.
Guo tha se ndërtimi i një bote të pastër është përgjegjësi e përbashkët e të gjitha vendeve.
