Mbledhja e fundit e kryesisë më shumë se sa një analizë brenda PD-së u shndërrua në një skup të vërtetë mediatik për shkak të incidentit mes ish-ministrit Jemin Gjana dhe sekretares Valbona Mezini.
Tonet e ashpra mes tyre për pak sa nuk u përshkallëzuan në përplasje fizike ndërsa vetëm disa orë pas përfundimit të mbledhjes, në media qarkulloi edhe video-audio e sherrit të bujshëm.
Kjo krijoi një tjetër konflikt brenda së djathtës që tanimë i duhej të merrej edhe me çimkat e “spiunët” e partisë. Për t’i dhënë fund kësaj, siç mëson newsbomb.al, në PD është marrë një masë e fortë: Janë bllokuar të gjithë celularët.
Që prej mbledhjes së fundit, në selinë e PD është instaluar një pajisje që bllokon valët e celularëve për të parandaluar kështu edhe rrjedhjen e informacioneve të brendshme.
Por a do të zgjidhë kjo pajisje ngërçin e madh në Partinë Demokratike? Kjo mbetet për t’u parë, edhe pse njohësit e politikës e dinë mirë se i fundit problem që ka kjo parti e djathtë sot, janë celularët/Newsbomb.al/a.m.
