Rastësia është unikale, por në dukje është thjesht një koincidencë. Brendapak orëve, Daria Zhukova është gjetur të dominojë lajmet për dy arsye krejtësisht të palidhura. Nga njëra anë, divorci i saj pas dhjetë viteve të martesës me Roman Abramovich, oligarkun rus dhe pronarin e Chelsea dhe një prej njerëzve më të pasur në botë. Nga ana tjetër, roli i saj i supozuar si ndërmjetëse në skandalin Russiagate, hetimi për bashkëpunim të mundshëm midis administratës Trump dhe Kremlinit, njofton Javanews.
Në qoftë se lajmin e ndarjes e dha vetë çifti Abramovich me një deklaratë të matur, në skandalin e turbullt Trump-Kremlin, Zhukovën e tërhoqën disa rreshta të gazetës ruse të sapothemeluar “The Bell”. Duke cituar “një zyrtar i lartë rus”, raportohet që ishte Zhukova ajo që organizoi takimet ndërmjet rrethit të Trump dhe qeverisë ruse.
Ish-burri i saj Abramovich, tha burimi, nuk ka marrë pjesë në këto takime. Pak shërbeu përgënjeshtrimi i zonjës Zhukova, pasi lajmi u botua në të gjithë shtypin rus dhe atë botëror brenda pak orëve. Duhet shënuar se gazeta The Bell është krijesa e fundit e Elizaveta Osetinskaja, ish redaktore e biznesit të së përditshmes Vedomosti dhe grupit botues RBK, që njihet si një nga bastionet e fundit të gazetarisë së pavarur hulumtuese në Rusi, shkruan Javanews.
