Sibora Gagani është vajza e re shqiptare, e cila u zhduk pa lënë gjurmë nga Italia në drejtim të Spanjës. Sibora u largua nga familja rreth tre vite më parë, kohë kur vendosi të largohej me të dashurin në një shtet tjetër, shkruajne mediat italiane.
Ajo dhe familja e saj prej vitesh jetonin në Itali, ku kishin ngritur jetën e tyre, ndërsa e ëma e Siborës kohët e fundit i është drejtuar emisionit “Chi l’ha visto”, duke kërkuar ndihmën e gjithë atyre që mund ta kenë parë.
E reja jetonte në Itali, por u transferua në Andalusi me të dashurin e vet. Sipas mamasë, ajo kishte synim të martohej dhe ia komunikoi mamasë me telefon, por pas saj u zhduk.
Fshiu profilin e saj në FB dhe numri i telefonit nuk ishte më i arritshëm.
Sibora Gagani, 22 vjeç punonte si bariste. U transferua me të dashurin në Torremolinos, në Andalusia (Spagna). Pasi i tha të ëmës me telefon se do të martohej, nuk pati më asnjë komunikim me të. Në 14 korrik nëna e saj mori një telefonatë nga ana e të dashurit të saj, që i tregoi se kishin bërë një sherr bashkë dhe ajo kishte ikur pa marrë asgjë me vete./Panorama
Skeda e Siborës
Mosha: 22 (në momentin e zhdukjes)
Kombësia: shqiptare
Sytë: Kaf
Flokët: Kaf
Shenja të veçanta: disa tatuazhe, një datë në njërin krahë, një yll dhe gërmën “A” pas qafës, një yll në këmbë dhe një tatuazh edhe në shpinë.
