Profesori i njohur Shezai Rrokaj (Sezai Rokaj) nuk do të jetë më pjesë e listave të LSI. I zgjedhur deputet në vitin 2017, ai u detyrua të digjte mandatin për t’iu bindur vendimit të Kryemadhit dhe Bashës. Por mesa duket, Rrokaj është tërhequr nga ambiciet politike.
Në listat zyrtare të prezantuara sot nga Monika Kryemadhi bie në sy edhe kandidimi i Briseida Shehajt, ish-drejtoreshë e Përgjithshme e Tatimeve. Kjo e fundit u shpall nga vetë Edi Rama si ‘bletë punëtore’, por më pas iu atashua Lëvizjes Socialiste për Integrim. Megjithatë, Shehaj mban numrin 36 në listën e Tiranës duke u renditur e fundit me zero shanse që të zgjidhet deputete.
Ndërkohë lëvizje ka pasur edhe në Tiranë. Kryemadhi ka menduar që Petrit Vasili të renditet i treti, ndërsa Nora Malaj e teta. Në Durrës, LSI kandidon këshilltarët e Ilir Metës, Shemsi Prençin dhe Bahri Shaqirin.
Pjesa tjetër e listës së LSI mbetet kryesisht e panjohur.
/JavaNews/A. Rada
