Një 22-vjeçare nga Tirana rezulton e zhdukur prej disa ditësh. Bëhet fjalë për shtetasen me inicialet P.M. e cila ka humbur gjurmët prej datës 30 Prill. Denoncimi në polici u bë nga nëna e saj, 51-vjeçarja me inicialet E.A., një ditë pas zhdukjes së vajzës së re. Nëna i’u drejtua policisë një ditë pasi humbi kontaktet me vajzën. Fillimisht, pasi kishin kërkuar tek të afërmit, familjarët e vajzës i’u drejtuan uniformave blu.
Sipas të dhënave, për herë të fundit, nëna pati kontakt me të bijën në banesën e tyre në Tiranë. E reja u largua nga shtëpia në datën 30 Prill, gjatë ditës. Pasi vajza nuk u kthye deri në orët e vona, e ëma nisi kërkimet sipas dëshmisë që ajo ka dhënë në polici.
E pyetur nga policia nëna e vajzës ka deklaruar se nuk ka pasur konflikt me të bijën. Ajo nuk ka përjashtuar mundësinë që e reja të jetë larguar me ndoinjë djalë.
Hetimet
Pas arrjes së dëshmisë, policia ka referuar dosjen në Prokurorinë e Tiranës e cila ka nisur veprimet hetimore për ngjarjen. Ndërkohë, policia e Tiranës ka shpërndarë foton e vajzës në të gjitha komisariatet e vendit dhe pikat kufitare.
Nga verifikimet e kryera në sistemin TIMS, nuk raportohet që vajza të jetë larguar jashtë vendit. Referuar edhe dëshmisë së dhënë nga e ëma, pista e parë ku po heton prokuroria dhe policia është ajo e largimit të vajzës me ndonjë djalë.
Mësohet se hetuesit kanë marrë në pyetje disa shokë dhe shoqe të vajzës. Nuk jepen ende të dhëna por raportohet se janë siguruar disa të dhëna që mund të zbulojnë vendndodhjen e vajzës së re. Ndërkohë, po hetohet edhe në pista të tjra paralelisht.
Prokuroria ka sekuestruar tabulatet telefonike dhe po verifikon të gjithë personat me të cilët vajza ka pasur kontakte. Nuk përjashtohet pista e ndonjë mashtrimi ndaj vajzës, edhe pse kjo pistë për momentin nuk ka ende të dhëna të forta ku mbështetet./JavaNews/a.m.
