10:15 Raporte të pakonfirmuara nga autoritetet bëjnë të ditur se avioni i linjës Paris-Kairo është përplasur në detin Mesdhe, 130 milje detare larg ishullit greke Karpathos.
Jean-Marc Mojon i agjencisë AFP citon një burim nga aviacioni grek.
Burimi ka thënë se komunikimi i fundit me pilotin ishte tri minuta para se avioni të zhdukej dhe nuk ka pasur njoftime për probleme.
Ministria greke e mbrojtjes bëri të ditur se ka dërguar dy avionë kërkimi dhe një fregatë në zonë.
***
Një avion i kompanisë ajrore ”Egyptair”, me fluturim nga Parisi në Kajro është zhdukur nga radarët, ndërkohë që ishte në hapësirën ajrore të Egjiptit, njoftoi kompania e sipërcituar në Twitter.
Në bordin e aeroplanit ndodheshin rreth 70 persona, 58 pasagjerë, dy fëmijë dhe 10 persona të stafit dhe personelit të sigurisë.
Avioni me numër fluturimi MS804 ishte nisur nga aeroporti francez ”Charles de Gaule” dje në orën 23:09 dhe u zhduk nga radarët në orën 02:45, sapo ishte futur në hapësirën ajrore të Egjiptit, rreth 11 300 metra lartësi.
Mjeti fluturues ka ndjekur itinerarin France-Itali-Kroaci-Shqiperi-Greqi dhe me pas ne Egjipt. Dyshimet e para lidhen se ai mund te kete rene ne det pas nje shperthimi.
