Zhbllokohet procesi gjyqësor ndaj Kastriot Ismailajt. Procesi bllokuar prej seancash se i pandehuri dhe avokati i tij nuk donin të lexohej dëshmia e Elvis Mata, cilësuar dëshmitari kyç. Në seancën e sotme, me gjithë kundërshtinë e avokatit dhe të Ismailajt u lexua dëshmia, ndërkohë që avokati dhe i pandehuri u larguan nga salla.
Gjatë dëshmisë, Mata tregon marrëveshjen DIA-CEZ. Ai thotë që Ismailaj ka përdorur emrin e një kompanie amerikane në mbledhje borxhesh, duke thënë që DIA është filial i DAI, por që në fakt i ka përdorur thjesht emrin, pasi nuk ka pasur lidhje fare me kompaninë amerikane. Ka marrë të dhëna të gatshme nga CEZ, pasi nuk ka pas zyra nëpër Shqipëri. Në një bisedë telefonike ai i ka thënë: Ju mbushni letrat, të tjerat i bëj unë.
ma.me
