Romana Vlahutin, përfaqësuesja e BE-së në Shqipëri, i ka cilësuar zgjedhjet e fundit vendore, mjaft të politizuara, dhe sipas saj përgjegjës për këtë janë politikanët.
Sipas Vlahutin, një ndër 23 rekomandimet që BE i ka vënë vendit tonë është edhe një proces zgjedhor i qetë dhe i lirë.
Këto komente ambasadorja e BE, i ka bërë nga Gjirokastra pas interesit të treguar nga gazetarët pikërisht rreth situatës politike në vend kur për Vlahutin, që tani duhet të punohet fort që pas dy vitesh në procesin e ardhshëm zgjedhor, rekomandimet të zënë vend pikërisht për zbatueshmërinë e tyre në këtë drejtim.
Nga ana tjetër, përfaqësuesja e BE-së ka përshëndetur reformën në drejtësi ku sipas saj marrëveshja mes palëve, është mjaft e rëndësishme për këtë reformë
“Vetë komuniteti ndërkombëtar është mjaft i interesuar për këtë reformë çka po e mbështet atë”, – është shprehur Vlahutin duke e vlerësuar atë që e cilësoi si në rrugën e duhur.
Madje ajo tha se është kryer një punë mjaft e mirë përgatitore dhe tashmë procesi është në fazën e projektligjeve. Zonja Vlahutin, nuk ka harruar t’i kujtojë klasës politike dhe qeverisë shqiptare që BE, i ka ofruar 23 rekomandime ku përgjatë kësaj periudhe do të punohet me palën shqiptare rreth tyre.
