Zgjedhjet për kryetarin e ri e kanë futur Partinë Demokratike në një tjetër rrugë tjetër që po sjell përplasje mes anëtarëve dhe deputetëve të partisë. Sekretari i Përgjithshëm i partisë, njëherazi edhe kreu i Grupit, Gazment Bardhi ka folur për Report Tv mbi këtë proces që Kryesia e Partisë i hapi rrugë më 10 qershor. Këtë rrugë, Bardhi e cilëson të gabuar.
“Do ndjek hapat që parashikon statuti i partisë do bëj gjithçka që statuti të jetë udhëheqësi i vetëm i çdo procesi të brendshëm përfshirë edhe zgjedhjen e kryetarit. Jam duke vlerësuar se cilin hap duhet të hedh. Nuk do nxitohem në veprime. Kam treguar përgjegjshmërinë e duhur për situatën në të cilën ndodhet PD dhe apeloj cilindo të tregohet i përgjegjshëm.
Nëse shkelet statuti padiskutim. Kemi një ngërç ligjor mbi statutin e organeve të partisë një proces që vijon, për faktin se një pjesë të anëtarëve të partisë zgjidhën një rrugë jashtë institucionale për t’iu imponuar PD. Rruga që po ndiqet nuk është në interesin e tyre, e tkurr PD”, tha Bardhi.
Në një intervistë me gazetaren Besmira Pelushaj, numri 2 i PD-së thotë se zgjedhjet për kryetarin e ardhshëm nuk mund të mbahen pa pasur institucione me legjitimitet të plotë.
/f.stafa
