Këtë të shtunë Partia Socialiste në Tiranë dhe Durrës voton për delegatët e saj në Kongresin e PS-së, teksa Kryeministri ka hedhur votën e tij në njësinë administrative të Komunës Dajt. Në fjalën e tij Kreu i PS-së i bëri thirrje qytetarëve që t’i bashkohen kësaj forca politike, e cila sipas tij është e vetmja që mund të sjellë ndryshimin. Rama theksoi se PS është drejt një procesi reformimi.
“Në PS janë zhvilluar rreth 5 mijë procese zgjedhore. Janë procese zgjedhore që bëjnë qartësisht diferencën mes PS-së dhe të tjerëve dhe ndërkohë janë procese zgjedhore që kanë pëefshirë një numërv të jashtëzakonshëm zgjedhësish dhe zgjedhëse…
Ne synojmë një reformim rrënjësor të strukturës dhe përbërjes së PS-së. Jam dhe jemi krenar për PS-së dhe gjej rastin ti bëj thirrje të gjithë atyre që duan ti bashkohen PS-së pasi është e vetmja që siguron një drejtim të duhur dhe që ka kapacitetet e duhura morale, politike dhe intelektuale për të transformuar vendin dhe për të bërë reforma.” – tha Rama.
Kë të shtunë do të zgjidhen 168 delegatë për qarkun Tiranë dhe 52 delegatë për qarkun Durrës. Prej orës 08:00 deri në orën 16:00 qendrat e votimit për zgjedhjet e delegatëve do të qëndrojnë të hapura.
