Sipas përditësimit të fundit të të dhënave nga Komisioni Qendror i Zgjedhjeve në Kosovë, më të votuarit nga kandidatët për deputetë janë kryesuesit e listave të partive, që janë edhe kryetarët e subjekteve.
Në Lëvizjen Vetëvendosje më shum vota nga numërimi i deritanishëm ka marrë Albin Kurti, i cikli pasohet nga Glauk Konjufca dhe Albulena Haxhiu.
Në Partinë Demokratike të Kosovës kryeson kryetari Bedri Hamza dhe pas tij renditet Përparom Gruda. Vjosa Osmani, kandidatja për presidente ka marrë më shumë vota deri tani në Lidhjen Demokratike të Kosovë, e cila pasohet nga kryetari Lumir Abdixhiku.
Edhe në Aleancën për Ardhmërinë e Kosovës më i votuari deri tani është kryetari dhe kandidati për kryeministër Ardian Gjini.
Kryetari i nderit, Ramush Haradinaj megjithëse i 11 në listën e votuesve, renditet i dyti pas Gjinit për numrin e votave të marra.
Komisioni Qendror i Zgjedhjeve beri me dije se procesi i numërimit të kandidatëve për deputetë deri tani ka përfunduar në 5 qendra komunale të numërimit.
Ndërkaq numërimi i votave për partitë u mbyll gjatë natës së hënës, ku kryeson Lëvizja Vetëvendosje.
