• Kontakt
  • Kreu
  • Rreth Nesh
Sunday, November 8, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Zgjedhjet në Himarë: Statistikat nga viti 2000 deri në 4 Gusht 2024, rëndësia dhe pritshmëria

by A R
01/08/2024 11:49
Shperndaj ne FacebookShperndaj ne Twitter

Më 4 gusht votohet për kryetar bashkie në Himarë për zgjedhjet e pjesshme, pas vendimit gjyqësor që dënoi për korrupsion elektoral ish kryetarin e zgjedhur të kësaj bashkie, Alfred Beleri (PD, PBDNJ+). Kjo bashki nuk zë peshë të rëndësishme në hierarkinë dhe strukturën e qeverisjes vendore në Shqipëri, por për shkak të pretendimeve dhe debatit politik midis Shqipërisë e Greqisë, si dhe interesit strategjik të disa prej oligarkëve e zyrtarëve kryesorë në vend për investime turistike, bashkia ka marrë vlerë të veçantë dhe zhvillimet aty kanë interes të dyfishtë.

Në zgjedhjet e kaluara vendore (2023) kandidati fitues u arrestua 48 orë përpara votimit, duke u bërë kandidati i vetëm në historinë e zgjedhjeve shqiptare që zgjidhet kryetar bashkie duke qenë në arrest në burg. Procesi ndaj Belerit u bë i komplikuar kur qeveria vendosi të emërojë si ushtrues detyre kryetarin që humbi zgjedhjet, një figurë e rëndësishme politike lokale e Partisë Socialiste, – një akt që bie ndesh me parimet demokratike, sipas të cilave kandidati humbës nuk mund të ishte edhe drejtues tej mandatit ligjor. Drejtimi i tij vijoi derisa ushtruesi i detyrës u arrestua për korrupsion nga SPAK dhe tashmë është në proces gjykimi. Pas tij PS emëroi dy kryetarë të tjerë bashkie (ushtrues detyre), njëri prej të cilëve dha dorëheqje, tjetri vijon detyrën por duke qenë njëherësh në proces hetimi për korrupsion nga SPAK.

Nga ana tjetër, kandidati fitues Alfred Beleri nuk u lejua të bëjë betimin dhe as të marrë pjesë në aktivitetet pasuese të zgjedhjes në krye të bashkisë, praktikë që i njëjti sistem administrativ (DPB) nuk e aplikoi në rastin kur i njëjti person u zgjodh deputet në parlamentin Europian në emër të “Demokracisë së Re” në Greqi. Ai u lejua të udhëtojë në seancën inauguruese në Strasburg, ndërkohë nuk u lejua të marrë pjesë në asnjë nga seancat, përfshirë atë inauguruese në Himarë. Një kandidat me rekorde kritike dhe në kontrast me dekriminalizimin, i ndaluar nga KQZ në një proces tjetër zgjedhor të kandidonte, por më 2023 i lejuar nga një KQZ i ri, – Beleri u bë pjesë e lojës dhe krizës politike afatshkurtër midis Shqipërisë dhe Greqisë, ndërkohë që me të drejtë u krijua gjerësisht perceptimi se ndaj tij kishte cenime së të drejtave të njeriut. Procesi ndaj tij mori më shumë se një vit kohë duke aplikuar masat më ekstreme ligjore, tashmë i dënuar, KQZ vendosi heqjen e mandatit të tij.

Historia e zgjedhjeve në Himarë është specifike edhe në një këndvështrim tjetër: referuar të dhënave të përpunuara nga Instituti i Studimeve Politike (ISP), prej vitit 2000 zgjedhjet aty kanë qenë kryesisht produkt i raporteve politike midis PS dhe PD. Në vitin 2000 dy palët u bashkuan kundër kandidatit Bollano, një figurë lokale ekstremiste, duke e mundur atë me rezultat të thellë. Megjithatë më 2003 dhe 2007 i njëjti kandidat, Bollano, tashmë me përkrahjen fillimisht të PS dhe më pas të PD, siguroi mandate drejtimi. Pas tij ishte Jorgo Goro (PS), kandidati më me shumë gara elektorale në këtë bashki, që siguroi tre mandate radhazi, të fundit (2019) pa kandidatë rivalë, duke qenë i vetëm në fletën e votimit. Të katër drejtuesit e viteve 2000-2024 (Mato, Bollano, Goro e Beleri) janë arrestuar, hetuar ose dënuar për vepra të ndryshme penale (korrupsion apo vepra të tjera penale), numër rekord për drejtimin e një bashkie në Shqipëri.

Aktualisht zgjedhjet janë midis dy blloqeve kryesore politike, me kandidatë të “importuar”, Tavo nga Gjirokastra (PS+) dhe Gjikuria nga SHBA (PD+). Shqipëria nuk ka një sistem vendor si shumica e vendeve të Europës Lindore, ku vendi vakant i kryetarit të bashkisë ushtrohet nga këshilltari më i votuar i partisë së tij përkatëse, por në çdo rast ne aplikojmë zgjedhje të reja, të cilat kanë kosto të  lartë financiare dhe në të shumtën e rasteve marrin vëmendje maksimale politike dhe passjellin debate politike për vendin.

Gjithsesi zgjedhjet e 4 gushtit, të vetmet prej disa dekadash në Shqipëri në kulmin e sesionit turistik, kanë vlerë simbolike, kryesisht për të testuar aftësinë e Shqipërisë për zgjedhje, interesin lokal për pjesëmarrje dhe maturimin e palëve për rikthimin në normalitet të një prej bashkive më atraktive në aspektin e potencialit turistik. Pavarësisht nga rezultati, me zgjedhjet nuk pritet të mbyllet debati dhe aq keqpërdorimi (brenda e jashtë vendit), të cilat janë në interes të palëve të vijojnë së paku deri pas zgjedhjeve parlamentare të vitit 2025, ndërkohë që mbetet e dukshme se jetësimi i koncepteve të qeverisës së mirë, transparencës dhe llogaridhënies në këtë bashki do të kërkojë periudhë shumë më të gjatë kohore.

Afrim Krasniqi / ISP

Next Post
Kanosi me pistoletë bashkëshorten në prani të fëmijëve, arrestohet 44-vjeçari

Kanosi me pistoletë bashkëshorten në prani të fëmijëve, arrestohet 44-vjeçari

Leave a Reply Cancel reply

Your email address will not be published. Required fields are marked *

TË FUNDIT

Drejtuesit politik të PS, Andoni: PD në Fier e ka të vështirë! Me kandidimin jashtë liste, Rama i dha një mësim opozitës

Etnografia absurde e komunikimit Rama-Berisha?!

November 7, 2026
Sherr mes dy grupeve në Vlorë, policia qëllon me armë në ajër për të ndaluar një prej tyre! Shoqërohen të gjithë në Komisariat, s’ka të lënduar

Sherr mes dy grupeve në Vlorë, policia qëllon me armë në ajër për të ndaluar një prej tyre! Shoqërohen të gjithë në Komisariat, s’ka të lënduar

November 7, 2026
Një skandal dhe kapërcim shumë i madh ligjor, etik dhe deantologjik nga prokurorët Dado dhe Dumani

Pa popull me vete dhe shih si zihen…

November 7, 2026
“Të bashkohemi pavarësisht kundërshtive”- Berisha thirrje partive opozitare: E keqja e ka emrin Rama! Studentët dhe qytetarët…

“Të bashkohemi pavarësisht kundërshtive”- Berisha thirrje partive opozitare: E keqja e ka emrin Rama! Studentët dhe qytetarët…

November 7, 2026
“Pesë persona në spital, u tremba se…”- Zjarri në Lezhë, administratori i pallatit: Flakët nisën nga kati i parë, zjarrfikësit erdhën në kohë!

“Pesë persona në spital, u tremba se…”- Zjarri në Lezhë, administratori i pallatit: Flakët nisën nga kati i parë, zjarrfikësit erdhën në kohë!

November 7, 2026
“Nuk ka krim më të shëmtuar, e la vendin pa opozitë”- Avokati Beqiri: Berisha po saboton hyrjen e Shqipërisë në BE!

“Nuk ka krim më të shëmtuar, e la vendin pa opozitë”- Avokati Beqiri: Berisha po saboton hyrjen e Shqipërisë në BE!

November 7, 2026
Superliga/ Tirana fitore në “frymën e fundit” ndaj Teutës!

Superliga/ Tirana fitore në “frymën e fundit” ndaj Teutës!

November 7, 2026
“PD është kthyer në sekt berishian”- Meçe: Nuk mbledh dot as 500 vetë për të protestuar! Agjentura ruse pas dhunës në shesh

“PD është kthyer në sekt berishian”- Meçe: Nuk mbledh dot as 500 vetë për të protestuar! Agjentura ruse pas dhunës në shesh

November 7, 2026
“Islami radikal po copëton Evropën”- Netanyahu sulmon partitë arabe: Një qeveri e varur nga mbështetësit e terrorizmit do shkatërrojë Izraelin

“Islami radikal po copëton Evropën”- Netanyahu sulmon partitë arabe: Një qeveri e varur nga mbështetësit e terrorizmit do shkatërrojë Izraelin

November 7, 2026
“Mbetet krenari”- U la jashtë listës së Kombëtares, reagon Anis Mehmeti: Dua të sqaroj disa gjëra të pavërteta!

“Mbetet krenari”- U la jashtë listës së Kombëtares, reagon Anis Mehmeti: Dua të sqaroj disa gjëra të pavërteta!

November 7, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In