Profesori i njohur Artan Fuga tha në emisionin Zona Zero se nisur nga mënyra se si janë ndërtuar bashkitë dhe si funksionojnë ato, shanset më të mëdha për t’i fituar i kanë kandidatët socialistë dhe për këtë faji bie mbi demokratët.
“Ka një model të caktuar që nuk është shumë për t’u përgëzuar, institucioni i bashkisë në rrethe është ajo që quhet bërthama më e fortë sociale e kulturore e ndodhet në duart e shumicës në këshilla e drejtohet nga të emëruarit. Shanset më të mëdha e kanë kandidatët e PS-së. Më vjen keq për votuesit, militantin e votuesin për bindje demokrate, nga mënyra se si funksionin pushteti lokal, kur PD-ja i lëshoi bashkitë nuk konkurroi, ky militant ndodhet edhe nën presion edhe në lloj ndrojtje instinkte e i përjashtuar nga vëmendja e pushtetit lokal, fatkeqësisht kështu është ndërtuar edhe është shumë i politizuar. Këtë elektorat e shoh të deprimuar. Të marrim atë pjesë të elektoratit që e ka një sy te ish PD-ja që simbolizohet nga Lulzim Basha.
Ai (elektorati) e shikon që bashkia është dorëzuar dy vite më përpara, shikon një humbje tre herë radhazi në pushtetin qendror, PD në majë është e përçarë dhe qëndrimet e asaj nuk janë kohorente. E shoh që kjo pjesë e PD-së nuk ka asnjë propozim për pushtetin lokal, s’ka bërë dot asgjë për reformën territoriale”, tha Fuga.
Pra sipas tij, edhe pjesa e kandidatëve të tjerë të grupimit Berisha është e deprimuar, pasi nuk e di se për cilin kandidat po voton, pasi i ka ikur logoja e PD-së, e shtëpisë së lirisë.
“Pjesa tjetër është e deprimuar se nuk e di se për cilën forcë voton. Shtëpia e Lirisë nuk kuptohet nëse është LSI, është një partia e ardhshme PD. Është PD që nuk është legjitimuar nga një instancë ligjore. Problemi i saj është se nga njëra anë nuk mund të krahasohet mobilizimi, ka më shumë se sa pjesa që drejton Basha, kandidatët e tij i shoh shumë të zbehtë, e nuk kanë faj, se i duhet një punë titanike për ndërtimin e një projekti ngjitës.
Përfaqësuesit e Shtëpisë së Lirisë kanë problemin e shfokusimit të ngjyrës politike, logo. Shkalla e pjesëmarrjes në votime të do të jetë i ulët. Arsyeja logjike këtu të çon”, tha Fuga./m.j
