Katër ditë përpara zgjedhje lokale të pjesshme, kryeministri Edi Rama dhe kryedemokrati Lulzim Basha janë “përplasur” në fushatën për bashkinë e Lushnjës.
Në të njëjtën orë, Rama dhe Basha kanë programuar takimet elektoral në Lushnjë. Nëse Rama zhvilloi një takim me të rinjtë në qytetin e Lushnjës, rivali i tij, Basha, u takua me fermerët e këtij qyteti.
Partia Socialiste konkurron me Eriselda Sefën, kryetaren në detyrë, ndërsa Partia Demokratike konkurron me Indrit Sefën, ndërsa grupimi “Berisha” i koalicionit “Shtëpia e Lirisë” ka si kandidat Elton Bano.
Kjo është hera e parë që Rama dhe Basha përplasen në një fushatë elektorale të pas zgjedhjeve parlamentare të 25 prillit. Në Shqipëri pritet të mbahen zgjedhjet ne 6 bashkitë Shkodër, Durrës, Lushnjë, Dibër, Rrogozhinë dhe Vorë.
Këto votime të pjesshme shihen edhe si një test si për mazhorancën, ashtu edhe për opozitën, pasi ato bahen një vit pasi PS-ja mori pushtetin, duke fituar një mandat të tretë qeverisës./m.j
