Komisioni Qendror i Zgjedhjeve ka hedhur poshtë me votë kërkesën e PD dhe Të LSI për të pasur komisionerë në KZAZ.
Me 4 vota pro dhe 1 kundër që ishte kreu i KQZ Klement Zguri KQZ pas disa orë debatë nuk miratoi kërkesën e du partive opozitare që janë larguar nga parlamenti.
Rrefuzimi i kërkesës së Partisë Demokratike dhe Lëvizjes Socialiste për Integrim, me argumentet se partitë nuk janë subjekt zgjedhor, dhe nuk janë më parti parlamentare.
Menjëherë pas votimit përfaqësuesi ligjor i Partisë Demokratike Ivi Kaso deklaroi për mediat se për herë të parë pas 30 viteve pluralizëm, Edi Rama po kthen votimin monist, duke urdhëruar falsifikimin e procesit me kandidatë fallco e të paligjshëm nga Bindja Demokratike.
Ai theksoi se Bindja Demokratike, e krijuar në paradhomën e Edi Ramës, nuk përmbush asnjërin nga dy kushtet ligjore për të paraqitur kandidatë të ligjshëm dhe se nuk ka as deputetë të paktën 6 muajt e fundit, as firma votuesish.
Sipas tij, Kuvendi ka lëshuar vërtetim fallco sikur partia fallco e Ramës përfaqësohet prej 6 muajsh në Kuvend, kur Andi Përmeti ka më pak se 1 muaj që ka marrë mandatin.
Kaso theksoi se anëtarët e opozitës do të dokumentojnë në çdo Komision Zonal manipulimin e dokumentacionit apo tentativat për regjistrimin e kandidatëve në kundërshtim me ligjin.
Gjatë diskutimeve Përfaqësuesi ligjor i PD-së, Ivi Kaso tha se anëtarët e KQZ janë kërcënuar nga mazhoranca për të mos pranuar komisionerë, ndërkohë ishte vetë ai që e ktheu në kërcënim ndaj anëtarëve duke i përmendur burgun në rast se nuk votojnë.
Por e menjëhershme ishte përgjigja e nënkryetarit të KQZ Denar Biba i cili tha se kjo ishte e rëndë.
g.kosovari
