Partia Demokratike me anë të një kërkesë zyrtare i është drejtuar Komisionit Shtetëror të Zgjedhjeve që të shtyhet miratimi i aktit për shpërndarjen e mandateve në zgjedhjet e 25 prillit .
Ata kërkojnë një afat prej 7-10 ditësh, kjo sepse sipas tyre ka pasur zhvendosje të vendbanimeve të qytetarëve, siç e kanë denoncuar më herët.
Nisur nga fakti që ka pasur ndryshime të mandateve, ku Gjirokastra dhe Dibra humbën nga një mandat, dhe iu dha Tiranës, demokratët kërkojnë që KSHZ të nis një hetim.
KSHZ bën disa pyetje në letër, të tilla si në cilën datë është nxjerr ekstrakti i popullsisë, cili është kriteri i ekstradit të popullsisë së çdo qarku etj.
Po ashtu, KSHZ bën pyetje nëse ekziston mundësia që zgjedhësit në jenë në listat e një qarku për efekt të zgjedhjeve.
Gjithashtu, KSHZ ngre pyetje nëse mund t’i vihet apo jo në dispozicion të Komisionit Qendror të Zgjedhjeve, produkti përfundimtar i projektit të popullimit të adresave etj.
Po ashtu në shkresën e firmosur nga kreu Celibashi, thuhet se: “Në llogaritjet e numrit të shtetasve për çdo qark, numër mbi të cilën KQZ do të caktojë numrin e mandateve për çdo qark, të dhënat bazohen në numrin e shtetasve sipas regjistrit të gjendjes civile të qarkut, apo në numrin e shtetasve që kanë adresën e banimit në qarkun përkatës, apo në numërin e shtetasve që kanë qendrën në këtë qark?”.
Në një tjetër pyetje thuhet: “A ka raste të ndryshimit të regjistrit të gjendjes civile nga një njësi vendore në një tjetër pa kërkesë/vetdeklarim të shtetasit?”
g.kosovari
