Sekretari i Përgjithshëm i Partisë së Lirisë, Tedi Blushi thotë se arrestimi i Ilir Metës, nuk e përçau Partinë e Lirisë.
Në emisionin “Real Story” në ABC News, Blushi u shpreh se kjo forcë politike votoi kundër nepotizmit dhe krahinalizmit në konvetën e 27 prillit dhe është pro meritokracisë.
“Nuk ka tronditje. Vendimet e marra në konventën e 27 prillit, në mënyrë demokratike, kanë qenë mediat e pranishme, kanë votuar për ato vendime të rëndësishme. Kanë votuar kundër nepotizmit në parti. Kjo parti votoi kundër nepotozmit, krahinalizmit, votoi kundër fenomeneve. Të pretendosh vendimmarrje individuale, ofendon të gjithë delegatët. Votuan pro meritrokacisë në parti. Është goditje e dy fenomeneve dhe lartësimi i një vlere, siç është meritokracia në Partinë e Lirisë. Këto dy fenomene e kanë shkatërruar në thelb administratën publike. Partitë e reja të Edi Ramës, kandidon gruaja, i ati. Një parti e cila ka dy kryetarë, që vijnë nga e njëjta parti. Djem të rinj në moshë, por të plakur në mentalitet. Të pretendosh kur sjell frymë të re politike, kur fut gruan në listë, më vjen keq”, theksoi ai.
