Deputeti i Partisë Socialiste, Pandeli Majko thotë se zgjedhjet e 11 majit do të jenë më të vështira se të vitit 2021.
Në emisionin “Real Story” në ABC News, Majko u shpreh se nuk ka luftë brenda PS, pas arrestimit të Veliajt.
Ndërsa komentatorja politike, Brizida Gjikondi u shpreh se Tirana, është sfidë personale për kryeministrin Edi Rama.
Pandeli Majko: Ne mendonim 19, unë isha te kufiri i 19. Ne e konsideruam që një pjesë e votave tona kishin shkuar te PSD dhe mori një mandat. Për momentin, nuk jam duke menduar këtë, por ne e kemi më të vështirë se në 2021, kjo është e sigurt. Ja që Partia Socialsite nuk është një trup amorale që e diskuton në mënyrë kaq të thatë, kaq të thatë. Unë e shoh situatën nga brenda, kam të drejtë që mendoj që kjo situatë nuk mund të konsiderohet kështu. Të gjithë mund të kemi pasur debate, por kur sheh njeri në burg, çfarë mendon, se do ta zëvendësojmë. Nuk është e vërtetë.
Brizida Gjikondi: Mendoj se ka më të lehtë, kanë Ramën në krye të Tiranës. Në Tiranë nuk ka vakum. Mendoj se Rama do ta çojë tiranën në 20 dhe do të japë mesazhin që, jam unë ai që tërheq. I tregon që Tiranën e ka PS, dhe jo një person. Rama, për mendimin tim, ka kthyer në sfidë personale për të treguar që Tirana është e PS.
