Analisti Namir Lapardhaja e sheh të pamundur një fitore të opozitës përballë mazhorancës së drejtuar nga kryeministri Edi Rama në 11 maj.
Në një lidhje me edicionin Qendror të Lajmeve të orës 19:00 në Vizion Plus të moderuar nga Aleksandër Furxhi, Laparadhaja theksoi se opozita aktuale e fragmentarizuar nga Sali Berisha nuk ka asnjë shans përballë mazhorancës.
Megjithatë shpresa sipas tij mbeten partitë e reja dhe të vogla të cilat mund t’i dalin në ballë treshes së tranzicionit Berisha-Rama-Meta.
Pjesë nga biseda:
Furxhi: Po shkojmë drejt zgjedhjeve të 11 majit. Opozita sot është fakt nuk është as e bashkuar e as më e fortë, a mos është ende herët për të lëxuar fushën e shahut të politikës?
Lapardhaja: Unë mendoj se ende herët është për të dhënë një lexim përfundimtar. Kjo opozitë e fragmentarizuar në këtë situatë ku e ka sjellë Berisha nuk ka asnjë shans përballë kësaj mazhorance. Por unë shpresoj që forcat e tjera opozitare që janë këto euroatlantike, apo ato që sjanë në konflikt me SPAK do të gjejnë guximin për tu bashkuar për tu paraqitur shqiptarëve një front besimi dhe shprese përtej treshes së tranzicionit Berisha-Rama-Meta.
