Kryetari i Partisë Demokratike, Sali Berisha ka reaguar në një postim të shkurtër në Facebook ditën e zgjedhjeve.
“Mirëmëngjes njisha, jeni gati?”, shkruan Berisha në postimin e tij, një shprehje kjo që u bë e njohur gjatë fushatës duke u bazuar tek numri që koalicioni mban në fletën e votimit të 11 Majit.
Procesi i votimit në të gjithë vendin ka nisur në orën 07:00. Që nga hapja e qendrave të votimit janë raportuar disa problematika. Problematikat kanë të bëjnë me mungesat e komisionerëve dhe probleme të tjera teknike.
Këto janë zgjedhjet e 11-ta në Republikën e Shqipërisë, pas ardhjes së demokracisë dhe në garë janë 2.046 kandidatë, për 140 vende në parlament.
