Deputetëve demokratë iu vu para mikrofoni i gazetarëve këtë të enjte për të treguar qëndrimet e tyre pas humbjes së zgjedhjeve.
Luan Baçi u shpreh se opozita ka përgjegjësi për rezultatin dhe theksoi se do të ketë një analizë të gjerë.
I pyetur për Berishën ai tha se vetëm vota e demokratëve të largon ose të mban dhe për këtë do të zbatohet statuti.
Luan Baçi: Absolutisht ka përgjegjësi opozita dhe patjetër që do të jemi në një analizë të gjerë edhe për opozitën.
-Pas këtij rezultati zoti Baçi si mendoni Berisha duhet të qëndrojë apo të japë dorëheqjen?
Luan Baçi: Duhet të pyesni Berishën për atë. Opinioni im si deputet i Partisë Demokratike është që vetëm vota është ajo që të largon. Vota e demokratëve, e simpatizantëve, atyre që kanë votuar për kryetar zotin Berisha. Patjetër që do të zbatohet statuti. Në bazë të statutit do të merret vendimi.
-Statuti thotë votëbesim…
Luan Baçi: Votëbesim do të bëhet.
Ndërsa deputeti Tritan Shehu tha se duhet një lëvizje e madhe popullore për të përballuar atë që e konsideron si regjim.
Tritan Shehu: Së pari duhet të mendojmë si t’i kundërvihemi këtij regjimi dhe për t’ju kundërvënë këtij regjimi duhen të gjitha forcat opozitare të vendit të luftojnë sepse ky regjim mund të përballohet vetëm me një lëvizje të madhe popullore, me asnjë tjetër.
/a.r
