Kreu i Partisë Demokratike, Sali Berisha ka reagua në lidhje me propozimin për një kandidat të përbashkët nga opozita për zgjedhjet për kryetar bashkie të Tiranës.
Sali Berisha shton se kreu i bashkisë së kryeqytetit nuk mund të jetë një njeri apolitik pasi ai duhet të ketë një program.
“Për të dalë partitë opozitare më një kandidat, këtë e mbështes plotësisht.
Por që të pretendohet të zgjidhet kryetari i bashkisë së kryeqytetit, një njeri jopolitik, një gjë të tillë nuk e kam dëgjuar ndonjëherë.
Sepse ai të paktën duhet të ketë një program, në të cilin çmonton të gjithë batërdinë bazuar në politikën e narkoshtetit në Tiranë.
Nuk di se ç’nënkuptohet me kandidat apolitik, nuk e kam të qartë, por për një kandidat të përbashkët, plotësisht e drejtë është si sugjerim”, tha Berisha.
