Është zhvilluar mes tensioneve seanca te Krimet e Rënda për dy ish-funksionarët e Burgjeve, ish-drejtori Artur Zoto dhe ish-zv.drejtori Iljaz Labi. Në seancën e sotme janë vënë për herë të parë përballë dy ish-zyrtarët, të cilët akuzohen për korrupsion me tenderat e ushqimit në burgje.
Labi ka deklaruar se për sa i përket tenderit të vezëve nuk ka qenë asnjëherë kryetar i komisionit, por me këtë çështje është marrë administrata. Gjatë dëshmisë së tij para trupës gjykuese, Labi ka deklaruar se ka marrë 20 milionë lekë nga biznesmeni Shemsi Sinani dhe ia ka dorëzuar Artur Zotos në zyrë.
Labi: Më tha të flisja me 1 biznesmen. Kërkonte 20% të shumës. Biznesmeni Shemsi Sinani më dha 20 mln lek te 1 lokal. 20 mln lekët ia dorëzova Artur Zotos në zyrë. Artur Zoto pranoje atë që kemi bërë mos ki turp.
Labi: Ka pasur. Ti i fikje sipas qejfit. Kete e di mire ti.
Ndërkohë, nuk do të ketë më përballje mes dy ish-zyrtarëve të Burgjeve, por deklarime të biznesmenëve të përfshirë në hetim.
a.ç
