Nën akuzën e Nju Jork Tajms ka përfunduar kësaj rradhe menaxheri më i lartë i FIFA-s dhe sekretari i përgjithshëm i saj Xherom Valcke. Dhe kjo e bën po aq të vështirë pozitën e Jozep Blaterit, edhe pas rizgjedhjes në krye të organizatës më të madhe të futbollit botëror. Sipas gazetës së njohur amerikane, Valcke ka dërguar dhjetë milion dollarë nga disa llogari bankare të FIFA-s, drejt Xhek Uarner, njeriut që akuzohet se mori ryshfet nën dorë për t’i dhënë Afrikës së Jugut kampionatin botëror të vitit 2010.
Përfshirja në skandal e Valcke rrit dyshimet se edhe vetë Bater ka qenë të paktën në dijeni të korrupsionit financiar që kishte kapur majat e FIFA-s. Ndërkaq vetë Valcke nuk është i panjohur për këto lloj veprimtarish. Në vitin 2011 Uarner publikoi një email të Valcke, në të cilin thuhej se “Katari e kishte blerë Kupën e Botës”. Vetë sekretari i përgjithshëm sqaroi në atë kohë se ky mesazh që keqinterpretuar.
