Në Shqipëri ambasadorja amerikane Yuri Kim duket të ketë dyshime mbi procesin që pritet të çojë në zgjedhjen e drejtuesit të ri të Prokurorisë së Posaçme kundër Korrupsionit dhe Krimit të Organizuar. Ndërsa një ditë më parë, Këshilli i Lartë i Prokurorisë miratoi tre kandidaturat, Adnan Xholi, Altin Dumani dhe Edvin Kondili, sot ajo, përmes një postimi në Twitter nënvizoi nevojën që procesi të jetë “transparent” dhe “i pa manipuluar” duke lënë të kuptohet për përpjekje të mundshme për ndërhyrje në përzgjedhjen e drejtuesit të ardhshëm.
“Tani që janë konfirmuar kandidatët për kreun e ardhshëm të Prokurorisë së Posaçme, është thelbësore që procesi të jetë transparent, në mënyrë që drejtuesi i ardhshëm, së pari, të zgjidhet në bazë të kualifikimeve dhe rezultateve të arritura, dhe së dyti të jetë i aftë dhe i vendosur për të intensifikuar luftën kundër korrupsionit dhe krimit të organizuar”, shkruan ambasadorja.
Pjesa e dytë e postimit të saj, duket të jetë veçanërisht e lidhur me shqetësimin ndaj procesit të përzgjedhjes, që siç vë në dukje ambasadorja amerikane “duhet të jetë i pa manipuluar nga ata që kërkojnë të bllokojnë apo ndikojnë drejtësinë, nga ata që preferojnë mënyrat e vjetra dhe për rrjedhojë kundërshtojnë reformën në drejtësi. Taktika të tilla i përkasin një të shkuare që ka dëmtuar shumë. SPAK-u, si dhe reforma në drejtësi, duhet të jetë për të ardhmen e Shqipërisë”.
Të tre kandidaturat janë prokurorë të Prokurorisë së Posaçme. Dy prej tyre, Dumani dhe Kondili, morën pjesë dhë në garën e zhvilluar tre vjet më parë, kur u zgjodh zoti Arben Kraja, drejtuesi i parë i këtij institucioni, i cili nisi punën pa numrin e plotë të prokurorëve, ndërkohë që Byroja Kombëtare e Hetimit, pjesë e tij, u bë funksionale shumë më vonë.
Mandati i drejtuesit të Prokurorisë së Posaçme është tre vjeçar, pa të drejtë rizgjedhjeje. Drejtuesi i ri i Prokurorisë së Posaçme do të duhet të zgjidhet me votën e shumicës së anëtarëve të Këshillit të Lartë të prokurorisë. Këta të fundit do të dëgjojnë secilin prej kandidatëve teksa pritet të shpalosin dhe platformat e tyre mbi mënyrën se si mendojnë të organizojnë dhe drejtojnë punën e institucionit./VOA/m.j
SPAK-u, me Arben Krajën në krye, është pasqyra më e mirë e dështimit të reformës në drejtësi, që drejtohet me naivitet të plotë, nga US-ambasadore, Jurij Kim.
Shqiptaret, vërtet janë të varfer, por janë shumë të zgjuar, sa edhe tallen me zonjën USA ambasadore, për këtë deshtim të kësajë strukture, që është krijesë vetëm e sajë, dhe e pa ndikuar nga asnji njeri.
SPAKUN vetëm Sali Berisha me Ilir Metajn po e tallin, e shajnë, e qesendisin dhe përgojojnë si “spurdhjakë” (I.M)….etj.
Juri Kim, jep urdher tl arrestohen këta të dy, që numër 1 dhe numlr 2……pastaj dilni tek numrat e tjerë, që të qetesohet ky popull.
SPAK-u, me Arben Krajën në krye, është pasqyra më e mirë e dështimit të reformës në drejtësi, që drejtohet me naivitet të plotë, nga US-ambasadore, Jurij Kim.
Shqiptaret, vërtet janë të varfer, por janë shumë të zgjuar, sa edhe tallen me zonjën USA ambasadore, për këtë deshtim të kësajë strukture, që është krijesë vetëm e sajë, dhe e pa ndikuar nga asnji njeri.
SPAKUN vetëm Sali Berisha me Ilir Metajn po e tallin, e shajnë, e qesendisin dhe përgojojnë si “spurdhjakë” (I.M)….etj.
Juri Kim, jep urdher të arrestohen këta të dy, që janl numër 1 dhe numër 2……pastaj dilni tek numrat e tjerë, që të qetesohet ky popull.