ELEMENTET E ZJARRIT Dashi , Luani , Shigjetari
Zjarri është më i shenjti ndër katër elementet dhe përfaqëson forcën e jetës. Energjia që rrezaton është një simbol i vullnetit që i paraprin veprimit.
Dashi është i pari nga shenjat e zjarrit dhe është më i ri se të tjerët, por dallohet nga forca e vullnetit dhe vendosmëria në veprimet e tij. Luani si shenjë zjarri shijon të tashmen, pa i dhënë shumë rëndësi, të kaluarës apo të ardhmes . Kreativ dhe karizmatik shpreh talentin e tij me entuziazëm, pasion dhe vetë-besimit.
Shigjetari është më aventurieri nga shenjat e zjarrit. Mendimi i tij shkon larg në kërkim të idealeve të reja dhe horizonte të ndryshme. Ambicia drejton hapat e tij, që ndikon edhe në rritjen shpirtërore.
ELEMENTET E TOKËS Demi , Virgjëresha , Bricjapi
Elementi i tokës është i lidhur me gjërat materiale. Gjithçka e perceptojnë nëpërmjet shqisave dhe çfarë gjejnë të prekshme dhe konkrete. Demi është fillesa e shenjës së tokës dhe që është më i afërt me simbolikën e tokës, që elementi përfaqëson. Psikologjikisht përfaqëson gjërat që duhet t’i japim vlerë përfshirë dhe paratë. Virgjëresha është shenja e dytë e tokës e konsideruar si një shenjë reflektuese. Ka nevojë të madhe për rregullin dhe pastërtinë, që e kërkon brenda dhe jashtë vetes. Bricjapi është më i pjekuri nga tre shenjat e tokës. Qëllimi i tij është që të ndërtojë një të ardhme për veten dhe për të tjerët. I matur, i zhytur në mendime dhe këmbëngulës, ndjek objektivat pa pyetur apo ankuar.
ELEMENTET E AJËRIT Binjakët , Peshorja , Ujori
Ajri është element që është i lidhur me jetën materiale dhe shpirtërore. Simbol i butësisë , ngrihet nga atmosfera e rëndë dhe e rëndë e tokës, për të arritur në majat më të larta, në të cilin shpirti mund të endet lirshëm. Binjakët janë të parët nga shenjat që i përkasin ajrit elem, ku mishërohet paqëndrueshmëria ekstreme, e cila është e dukshme në mendimet dhe pakujdesitë e karakterit të tij. Peshorja është shenja më e qetë nga tri shenjat e ajrit dhe e përdor diplomacinë si artin e jetesës. Merret me marrëdhëniet dhe si detyrë ka që të harmonizojë marrëdhëniet , në mënyrë që të gjithë mund të mësojnë kufijtë e një jete të qytetëruar. Ujori është ndër shenjat e zodiakut më i avancuari. Eshtë gjithmonë një hap përpara kolegëve të tij. Ka personalitet individualist, punon mire në grup, sepse angazhimi i tij është të nxisë bashkëpunimin.
ELEMENTET E UJIT Gaforrja , Akrepi , Peshqit
Eshtë elementi më i afërt me dimensionin njerëzor. Uji është i lidhur me emocionet dhe është pjesë përbërëse e sistemit tonë fizik. Veçantia është që mund të ndryshojë formë në bazë të enës që e përmban. Gaforrja shpreh natyrën e ujit përmes sferës afektive dhe në mesin e shenjave të këtij elementi është ndoshta, më sentimentali. Ka një anë shumë të zhvilluar emocionale , që e bën të ketë luhatje humori, ndikuar nga ndjenjat e momentit. Akrepi është ndër shenjat më interesante të zodiakut. Temperamentin magnetikë, e ka prej mendimeve të mprehta dhe inteligjente, që di të depërtojnë në thellësitë e njerëzve dhe të kapë anët më të fshehta të temperamentit e tyre. Peshqit janë të ndjeshëm, kaotikë , romantikë dhe të hutuar sepse mbartin brenda përvojën e shenjave që e paraprijnë atë dhe për shkak të kësaj, karakteri i tij është i vështirë të deshifrohet. Detyra e tij është që të përkushtohet duke iu ofruar ndihmë njerëzve.
/b.d
