Dy persona kanë rënë në prangat e policsisë dhe një tjetër është shpallur në kërkim gjatë një operacioni në Kurbin ku u zbulua një shtëpi për kultivimin e lëndëve narkotike.
Në pranga janë vënë Dean Gega, 28 vjeç i cili kultivonte lëndën narkotike dhe Xhovani Ndreca, 53 vjeç me detyrë faturist pranë OSHEE Kurbin pasi dyshohet se i ka ndihmuar dy të rinjtë për të fshehur lidhjet e paligjshme të energjisë.
Ndërkohë në kërkim është shpallur bashkëpunëtori i Gegës, Ylli Pali, 24 vjeç i cili është gjithashtu pronari i banesës, kati i parë i të cilës ishte përshtatur në laborator droge.
Policia bën me dije se nën drejtimin e Prokurorisë Kurbin, vijon puna për identifikimin dhe kapjen e personave të tjerë të përfshirë në këtë veprimtari kriminale.
Materialet i kaluan Prokurorisë pranë Gjykatës së Shkallës së Parë Kurbin, për veprime të mëtejshme.
/a.r
