Verën e kaluar në merkato kishte një luftë të ashpër mes Barcelonës dhe Realit të Madridit për të marrë shërbimet e brazilianit Neymar.
Fillimisht O’Ney ishte shumë pranë transferimit te blaugranat ndërsa më pas në pamundësi për ta blerë Barça në garë për 28-vjeçarin u fut fuqishëm edhe Reali i Madridit me presidentin Florentino Perez që e pëlqente sëtepërmi lojtarin.
MundoDeportivo ka zbuluar një prapaskenë shumë interesante lidhur me Neymar Jr, sepse që lojtari të mos pranonte ofertën e Los Blancos dhe të qëndronte edhe një tjetër vit te Paris Saint Germain, Barcelona i ka premtuar futbollistit se nëse nuk do ta blente dot verën e kaluar do ta blejë gjatë kësaj vere.
Një lëvizje kjo e blaugranave për të frenuar kalimin e Neymar te rivalët madrilenë.
Tashmë mbetet për t’u parë nëse premtimi do të mbahet dhe 28-vjeçari do të rikthehet te Barça gjatë kësaj vere.
