Një emër tjetër është në listën e Barçës për të bindur PSG, që të marrë Neymar. Deri më tani, klubi katalanas kishte konsideruar mundësinë e përfshirjes së Coutinho në operacion, diçka e përjashtuar tashmë, sepse braziliani po huazohet te Bayern Munich, ose Rakitic. Nga ana e vet, PSG kishte interes për Ousmane Dembélé dhe madje, Nelson Semedo, diçka që kampionët e Spanjës nuk ishin gati ta pranonin. Tani, media franceze “Le Parisien” zbulon një lojtar tjetër, që Barça iu ka ofruar parizienëve, në përpjekje për të marrë yllin brazilianin: Arturo Vidal.
Por kjo ofertë, e propozuar në samitin e Parisit midis përfaqësuesve të dy klubeve, gjithashtu nuk i bind kampionët e Ligue 1. Për pasojë, e kanë refuzuar atë. Sipas mediave, kjo formulë përfshinte kilianin, Coutinho dhe një shumë parash, rreth 60 milionë euro, që nuk arriti në 100 milionë, aq sa PSG kërkon të paktën. Megjithë sezonin e mirë të Vidal (2018-2019) dhe pasi kishte fituar besimin e trajnerit Valverde, pas një starti pa shkëlqim, Barça do ta konsideronte sakrifikimin e tij për ta kthyer Neymar në “Camp Nou”.
Kileni 32-vjeçar nuk debutoi në La Liga mbrëmjen e djeshme, në Bilbao. Pra, nëse Barça dëshiron të rimarrë shërbimet e Neymar, i duhet të bëjë oferta të reja, që t’i bindin parizienët përpara se të mbyllet merkatoja më 2 shtator. Për momentin, klubi katalanas është në garë me Real Madridi. Gjithçka tregon se francezët do të ishin më të gatshëm ta shisnin lojtarin te Florentino Perez. Ky nuk duket opsion i preferuar për vetë Neymar, sepse ai do të kthehet te Barcelona.
g.kosovari
