Identifikohet femra e vrarë në vitin 1997 në Amsterdam. Kanë qenë familjarët që pas lajmit të një dite më parë, duke parë fotot kanë bërë identifikimin
Ajo quhet Zyra Hida nga Elbasani, banuese në lagjen “11 Nëntori” në Elbasan dhe ka qenë nënë e tre djemve. Gazetari i Klan, Fatos Salliu ka qenë në shtëpinë e saj dhe ka folur me motrën eviktimës.
Sipas së motrës, Xhuljeta Hida, ajo është martuar që kur ishte 14 vjeçe në fshatin Muriqan të Cërrikut dhe gjërat nuk i shkuan mirë. Pas sherreve, cifti vendosi të divorcohej.
Më pas janë ribashkuar sërish dhe kanë qëndruar tek shtëpia e motrës së burrit në një lagje periferike të Elbasanit. Këtu e ndjera është përballur me një realitet akoma më të hidhur.
Familja kërkon nga shteti që të ndihmojë në ardhjen e eshtrave për të kryer varrimin në Elbasan.
