Parlamenti i Maqedonisë mbrëmë u përgjak dhe vandalizua kur banditë të VMRO-DPMNE-së hynë në ndërtesë dhe sulmuan duke e gjakosur në kokë liderin e LSDM-së Zoran Zaev, ndërsa lënduan rëndë deputetin shqiptar Ziadin Sela.
E gjithë kjo ndodhi pasi shumica parlamentare zgjodhi për kryetar të Kuvendit deputetin shqiptar të BDI-së Talat Xhaferi, shkruan gazetametro.net.
Një nga udhëheqësit e këtij grupi vandalësh ishte edhe një person që kishte të veshur një bluze të zezë.
Në rrjetet sociale, tani janë postuar fotografi ku tregohet ky person i shoqëruar me kryetarin e VMRO-DPMNE’së Nikola Gruevski.
Ky huligan i cili bashkë me grupin e tij, disa të maskuar, janë pjesë e një organizate ekstremiste, e afërt me Gruevskin, i cili bashkë me presidentin George Ivanov, po pengojnë koalicionin e partive shqiptare me LSDM’në e Zoran Zaevit, koalicion i cili u premton shqiptarëve avancim të drejtash, sidomos në aspektin e përdorimit të gjuhës shqipe./a.m.
