Kryeministri Edi Rama ka publikuar në rrjetet sociale videon për Samitin e Diasporës, që do të zhvillohet më 13-14-15 prill në Tiranë.
“Mirëmëngjes dhe me këtë video mirëseardhjeje për Samitin e Diasporës, ju uroj një ditë të mbarë”, shkruan Rama.
Video e punuar me IA nis me Gjon Buzukun, hartuesin e librit të parë në gjuhën shqipe, për të vijuar me vëllëzërit Frashëri, vazhdon me Gjergj Fishtën, më pas me heroin tonë kombëtar Skënderbeun.
Video vijon më tej me atin e pavarësisë, Ismal Qemali, Nënë Terezën, Marin Barletin, Jeronim De Radën, Faik Konicën, Fan Nolin, Naum Veqilharxhin, Karl Gegën, Eqerem Çabejn, Marie Krajën, Ibrahim Kodrën, Bekim Fehmiun, Vangjush Mion, Aleksandër Moisiun, Petro Marubin, Onufrin, Luigj Gurakuqin, Jan Kukuzelin, Ismail Kadarenë, Migjenin dhe mbyllet me Mithat Frashërin.
Samiti i IV-të i Diasporës Shqiptare pritet të zhvillohet në Tiranë nga 13 deri më 15 prill 2026, duke sjellë në një platformë të përbashkët aktorë politikë, ekonomikë, kulturorë dhe përfaqësues të diasporës nën moton “Përmes rrënjëve lartësohemi”.
