Dy shtetasit rusë, 33-vjeçarja Svetlana Timofoeva, 23-vjeçari Mikhail Zorin dhe ukrainasi, Fiodor Mihailoviç, janë arrestuar mbrëmjen e së shtunës pas një incidenti në uzinën ushtarake në Gramsh.
Ata kanë sulmuar me spray dy prej ushtarëve shqiptarë, të cilët sot lanë spitalin ku po merrnin mjekim pasi u dëmtuan në fytyrë.
Në dëshminë e dhënë, të arrestuarit, kanë thënë se ishin blogerë dhe se thjesht po fotografonin territore ushtarake të braktisura që nuk përdoreshin më nga shteti.
Hetimet lidhur me ngjarjen e ndodhur po ndiqen nga kreu i Prokurorisë së Elbasanit Kreshnik Ajazi i cili ka urdhëruar një sërë veprimesh hetimore, kontrolle të sistemit “TIMS”, kontrolle për telefona celularë të të ndaluarve dhe se ku kanë qëndruar në Shqipëri. Nderkohë ne drejtim të Elbasanit ka mberritur dhe kreu i policise se shtetit Gledis Nano.
Një prej ushtarëve shqiptarë të sulmuar nga rusët në uzinën e Gramshit tha se kishte pasur djegie në sy dhe se për disa minuta kishte humbur shikimin.
Ai tha se pavarësisht sulmit me spray, kishin arritur të neutralizonin shtetasin rus që i kishte sulmuar.
“Edhe nga fytyra kishim djegie. Shikimi për momentin na iku. Për momentin po. E kapëm të dy dhe e po mbanim poshtë, derisa njoftuam patrullat”, tha ai.
/e.d
