Një ngjarje e pazakontë ka ndodhur gjatë lojërave olimpike ‘Rio 2016, pasi uji i pishinës Olimpike ka ndryshuar ngjyrë papritur, nga blu është bërë i gjelbër.
Komiteti Lokal i Organizimit të lojërave olimpike ka dhënë një deklaratë, me anë të së cilës sqaron se pishina olimpike ka ndryshuar ngjyrën nga mbirja e algave të krijuara nga nxehtësia dhe mungesa e erës në arenën e sporteve të ujit.
Komiteti theksoi se uji u testua dhe nuk paraqet asnjë rrezik për atletët pjesëmarrës.
Në deklaratë shtohet gjithashtu se uji në pishinën olimpike do të jetë sërish blu për garën e ardhshme të së mërkurës, referon ”Express” (b.an)
