Shkencëtarët kanë bërë një zbulim befasues sa i takon kafshëve më jetëgjata. Një lloj peshkaqeni i quajtur Grenland, jeton mbi 400 vjet. Tashmë kjo specie është vertebrori më jetëgjatë në botë i vërtetuar së fundi.
Shkencëtarëtpërdorëen një metodë me radiocarbon prër të përcaktuar moshën e 28 kafshëve, dhe një femër rezultoi të ishte rreth 400-vjeçare, përfundim i cili befasoi jo pak shkencëtarët. Ky peshkaqen rriitet në ujrat e ftohta të Atlantikut të Veriut.
Ekipi i hulumtuesve zbuloi se ky peshkaqen rritet me 1 centimetër në vit ndërsa pjekurinë seksuale e arrin në moshën 150 vjeçare.
Ky studim u botua në revistën “Science”.
“Ne kishim pritshmëritë tona se ndodheshim përballë një gjallese të pazakontë, por u befasuam kur mësuam moshën e këtij peshkaqeni”, tha autori kryesor i studimit, biologu Julius Nielsen nga universiteti i Kopenhagenit.
Deri para këtij studimi, rekordin e jetëgjatësisë nga vertebrorët e mbante një lloj balene me moshë 211-vjeçare.
Por pavarësisht këtij studimi, rekordi për gjallesën më jetëgjatë e mban një lloj guaske e quajtur Ming, me jetëgjatësi plot 507 vite./a.m.
