Pas publikimit të pamjeve nga kamerat e sigurisë ku pronari i picerive “ERA”, Altin Bamllari dhe djali i tij dukej teksa vraponte duke iu larguar efektivëve që e ndiqnin nga pas, ashtu siç pretendoi edhe policia në reagimin e saj, një tjetër video amatore e regjistruar nga një kalimtar tregon më qartë atë çka ndodhur.
Pasi është kapur nga efektivët e policisë, Bamllari duket i ulur në stacionin e autobusit pranë Piramidës teksa debaton me efektivët e policisë, shkruan Newsbomb.
Njëri prej policëve dëgjohet teksa mundohet t’i shpjegojë për 150 mijë lekë gjobë, nga mungesa e siguracionit dhe i thotë të shkojë me ta, por Bamllari dëgjohet teksa thërret:
“Nuk vij me ju. Lëreni djalin. Sikur çfarë keni kapur juve. Unë jam miku i Toles i shefit tuaj, i Sajmirit, i Ëngjëllushit i dreqit e shejtanit jam”.
Debati:
Bamllari: Nuk jemi nga ata që mendon ti dakord. Ik kap ata që ikën me makina ti kapësh ti, po na tregon ti. Hiqe dorën, ule dorën mos e prek djalin mos e prek të thashë! Lëre mor djalin është ora një e natës e po na bën numra ti.
Polici: Edhe njëherë jemi në rrugë këtu.
Bamllari: E në rrugë jam, e ça pastaj?
Policia: Do të vijë me mua.
Bamllari: Nuk do të vij se nuk ka bërë asgjë.
Polici: Të sjelli mjetin, si do vijë mjeti, sille ti mjetin.
Bamllari: Ta sjellim ne mjetin? Po pse, merre me karrotrec, ça do na fusni aty ju ne tani? Në orën një të natës të mos marrin asnjë në telefon? S’të vjen turp s’të vjen! Se kushedi se ç’kini pasur juve.
Unë jam miku i Tolës i shefit tuaj, i Saimirit, i Engjëllushit, i dreqit e shejtanit jam.
Polici: I nderuar zotëri, vlera e gjobës është 15 mijë lekë të reja është marrë, 150 mijë lekë të vjetra, është mjet që…
Bamllari: Ne nuk e kemi parë asnjëherë.
Polici: Të lutem është proceduara të lutem, të lutem…
Bamllari: Sado të jetë gjoba
Polici: Ju vura në dijeni të ngjarjes, ju lutem vazhdoni procedurat përkatëse.
Bamllari: Veri sa të duash merre, merre ta kam falur makinën
