Zbardhet takimi i Metës me ambasadorët: Për ndryshimet kushtetuese duhen pyetur edhe PD me LSI

Përmes rrjeteve sociale, Ilir Meta ka zbardhur takimin e sotëm mes tij dhe ambasadorëve të Bashkimit Evoprian.

Presidenti shkruan se i ka siguruar diplomatët se do t’i dekretojë ndryshimet e Kodit Zgjedhor që vijnë si rrjedhojë e marrëveshjes së 5 qershorit.

Nga ana tjetër, Meta shkruan se ndryshimet Kushtetuese që kërkon të bëjë Kuvendi janë të njëanshme.

“Kënaqësi të prisja sot Ambasadorët e Delegacionit të BE, të vendeve anëtare dhe të Mbretërisë së Bashkuar të aktedituar në Tiranë.

I sigurova se do të dekretoj menjëherë ndryshimet e Kodit Zgjedhor në respekt të Marrëveshjes konsensuale të 5 qershorit.

Theksova rëndësinë e vazhdimit të punës së Këshillit Politik vetëm në frymën e konsensusit dhe gjithëpërfshirjes.

I njoha me pozicionin tim të qartë se çdo prekje e njëanshme e Kushtetutës do të konsiderohet si akt i papranueshëm që synon të asgjesojë shtetin e së drejtës, demokracinë dhe të ardhmen europiane të Shqipërisë” – shkruan Meta.

/a.r