Një militant i Lëvizjes Socialiste për Integrim në qytetin e Gramshit, ka sulmuar kryetarin e FRESSH-it në këtë qytet për shkak të bindjeve të tij politike.
Përkrahësi i LSI-së Aurel Qafoku 40-vjeç, është administratori i një lokali në qytetin e Gramshit, i cili ka kanosur kryetarin e FRESSH-it në këtë qytet, Enio Zanin 26-vjeç
Mësohet se sherri ka ndodhur në lokalin që kishte marrë me qira kandidati i Lëvizjes Socialiste për Integrim, Admirim Kalaj.
Në momentin që kreu i FRESSH, Zani bashkë me anëtarë të tjerë të PS ishin duke shpërndarë fletëpalosje në mbështetje të Partisë Socialiste, administratori Aurel Qafoku nuk e ka pritur mirë këtë gjë pasi ai mbështeste një subjekt tjetër.
Bëhet me dije se Qafoku ka ushtruar presion psikologjik, e ka kërcenuar dhe e ka nxjerrë me forcë nga lokali.
Për Qafokun u referuan materialet në Prokurori dhe po procedohet në gjendje të lirë për “Kanosje apo dhunim ndaj pjesmarrësve në zgjedhje”. /b.d
