Policia duket se ka zbardhur ngjarjen e ndodhur pasditen e së mërkurës në bllokun e pallateve ‘Gintash’ në Laprakë, ku mbeti e vrarë me armë zjarri e reja Briselda Gjikolaj dhe u plagos shtetasi Erjon Bengo.
Burime nga blutë e kryeqytetit kanë identifikuar dhe shpallur në kërkim autorin, i cili dyshohet se është një 19-vjeçar, banor i zonës në fjalë.
Autori mendohet se për motive të dobëta ka qëlluar me armë zjarri drejt shtetasve 17 dhe 23 vjeç, të cilët ndodheshin së bashku në një automjet të ndalur.
Si pasojë e plagëve të marra, Gjikolaj ndërroi jetë në spital ndërsa Bengo ndodhet nën kujdesin e mjekëve.
Policia shprehet se po vijon punën intensive për kapjen e autorit dhe vënien e tij para përgjegjësisë ligjore, ndërkohë që është zbardhur dinamika e ngjarjes.
/a.rada
